Узакъ элле да бир жанында къалмазча

Кёп болмай Хамидие элни фельдшер-акушер пунктунда (COVID-19) коронавирусдан прививка этерча кабинет ачылгъанды. Алай бла бюгюнлюкде Терк районда вакцинация бардыргъан онюч пункт ишлейди. Быллай мадар узакъ элледе  жашагъанлагъа тап болурча къуралгъанды.   

Алгъада кёпле прививка этдирир ючюн жыйырма километр узакълыкъгъа Уражайное элге жюрюп тургъандыла. Ол себепден элни администрациясы бюджетден тышында ахча мажарып вакцина препаратланы сакъларча сууукъ этген оборудование эм саусузланы юйлерине да барырча термоконтейнер  алгъанды.    

ФАП-ну баш врачы Зарема Бориева айтханнга кёре, бюгюнлюкде стационарда жюз адамгъа дарман салыннганды. Алыкъынчы препарат этилген пациентлени арасында бир тюрлю къыйналгъан болмагъанды.