Предпринимательлени сорууларына жууапла берилликдилеБыйыл 9 сентябрьде Роспотребнадзорну Къабарты-Малкъарда управлениясында «Предпринимательлеге ачыкъ эшиклени кюню» деген акция бардырыллыкъды. Анга къатышханлагъа санитария-эпидемиология болумну, хайырланыучуланы эркинликлерин къоруулауну, аш-азыкъланы качествосуну эмда къоркъуусузлугъуну, контроль-надзор ишни юсюнден консультацияла берилликдиле. Дагъыда ведомствону информациялы онгларыны, тинтиуле бардырылгъан кезиуледе къаллай бузукълукъла ачылгъаныны, излемлени эмда аланы сакълау амалланы юслеринден айтырыкъдыла. Акцияны баш умуту – предпринимательлени Роспотребнадзорну иши бла шагъырейлендириудю, аланы сорууларына толу жууапла бериудю. Эпидемиология болумну осаллыгъын эсге алып, бу жол акция жеринде угъай, башха амалла бла бардырыллыкъды. Ол санда: почта, интернет, телефон, факс бла. Управленияны номери буду: 8 (8662) 40-54-85. Аны Бирикген консультацияла арасыныкъы уа бу: 8 (800) 555-49-43. Районлада жашагъанла ведомствону ол тийреледе бёлюмлерине сёлеширге боллукъдула. Аланы телефон номерлери быладыла: - Бахсан эмда Зольск районладагъылагъа - 8 (86634) 4-22-35); - Прохладна, Терк, Урван эмда Лескен районланыкъы - 8 (86631) 2-34-13; - Элбрус районнукъу - 8 (86638) 4-34-97.
Поделиться:
Читать также:
08.05.2024 - 14:10 →
Эришиуле Тогъузаланы Кемалны хурметине жораланадыла
08.05.2024 - 10:41 →
Газетни къадары кеси къолубуздады
08.05.2024 - 09:09 →
Хайырланыучулагъа хар жаны бла да тап тюшерча
07.05.2024 - 14:10 →
Тыш къыралдан келгенле экзаменле берликдиле
07.05.2024 - 09:11 →
«ЗАМАННЫ»- хар таулу юйюрге
|