Мария Ласицкене Шуёхлукъну Ордени бла саугъаланнганды Токиода Олимпиада оюнлада хорлагъаны ючюн Мария Ласицкене Шуёхлукъну Ордени бла саугъаланнганды. 11 августда Россейни Президенти Владимир Путин XXXII Олимпиада оюнланы алчыларын эм призёрларын орденле эм майдалла бла саугъалауну юсюнден Указгъа къол салгъанды. Саугъаланнганланы араларында бизни женгил атлетикадан школабызны келечиси Мария Ласицкене да барды, ол, Токиода бийикликге секириуде хорлап, алтын майдал алгъанды. Озгъан бараз кюн право информацияны официал сайтында басмаланнган Указны текстинде айтылгъаныча, спортчу къыз «ата журтлу спортну айнытыугъа уллу къыйыны, оюнлада кёргюзтген бийик спорт жетишимлери, хорламгъа итиниулюгю, салгъан борчуна алланыуу ючюн» белгиленнгенди. Администрацияны, тренер къауумну эм школаны келечилерини атларындан Мария Ласицкенени бийик саугъасы бла алгъышлайбыз.
Поделиться:
Читать также:
08.05.2024 - 14:10 →
Эришиуле Тогъузаланы Кемалны хурметине жораланадыла
08.05.2024 - 10:41 →
Газетни къадары кеси къолубуздады
08.05.2024 - 09:09 →
Хайырланыучулагъа хар жаны бла да тап тюшерча
07.05.2024 - 14:10 →
Тыш къыралдан келгенле экзаменле берликдиле
07.05.2024 - 09:11 →
«ЗАМАННЫ»- хар таулу юйюрге
| ||
