«Мени проектим – мени къыралыма!»

Социал магъаналы башламчылыкъланы «Мени проектим – мени къыралыма!» деген эришиуге заявка беригиз. Жыл сайын бардырылгъан конкурс 14 бёлюмде ётеди. Аны борчу ахшы сынамланы айнытыуду эм тийишли граждан тириликни ёсдюрюуге авторланы къошууду.

Проектге къатышыргъа коммерциялы болмагъан организацияланы алчыларыны, социал проектлени авторларыны, социал жаны бла тири инсанланы эм социал жаны бла жууаплы компанияланы онглары барды.  

Заявка берирча Россей Федерацияны Жамауат палатасыны сайтында https://oprf.ru. адам кесин белгилерге тийишлиди. Ызы бла энчи кабинетде неда конкурсну страницасында https://oprf.ru/my-project презентациясы, рекомендация письмола эм башха къошакъ материалла бла бирге регистрация юлгюню толтурургъа керекди. Завкала 2021 жылны 19 августуна дери алынадыла.

Эришиуню бёлюмлери: социал болушлукъ, ЗОЖ бла спорт, юйюрге, аналыкъгъа, сабийликге эм аталыкъгъа себеплик, маданият, жаш тёлю политика, илму эм билим бериу, мурдорлу правола эм эркинликле, экология, социал предпринимательство, граждан борч, миллетле аралы келишиулюк, жамауат дипломатия, жаныуарланы сакълау, медицина эм саулукъ сакълау, энчи номинация.

Хорлагъанланы 2021 жылда ноябрьде «Сообщество» эсеп форумну чеклеринде бардырылгъан байрамлада саугъаларыкъдыла. Лауреатла дипломла эм проектлерине деп 200-шер сом аллыкъдыла. Номинант-проектле сагъынылгъан форумну тематикалы кёрмючюнде белгиленирикдиле.

«Мени проектим – мени къыралыма!» эришиуню юсюнден Россей Федерацияны Жамауат палатасыны сайтында тынгылы билирге боллукъду.