Казбек Коков Мария Ласицкенени олимпиадалы чемпионка болгъаны бла алгъышлагъанды

КъМР-ни Башчысы Казбек Коков   Инстаграмда кесини энчи бёлюмюнде  Токиода Олимпиаданы чемпиону болгъан  Мария Ласицкенени алгъышлагъанды. «Бизни багъалы Мариябызны хорламы бла жюрегимден алгъышлайма! Прохладныйде жашагъанланы, Къабарты-Малкъарны эмда саулай Россейни халкъын да алгъышлайма! Бу хорламгъа  жол узакъ да, къыйын да болгъанды, алай Маша аны жетишимли ётгенди. Республика сени бла ёхтемленеди! Ура!»,-деп жазгъанды Казбек Коков.

   Казбек Коков Марияны атасы бла анасын да алгъышлагъанды Олимпиадада хорлам бла эмда алагъа чемпионка къыз ёсдюргенлери ючюн ыспас этгенди.