Республиканы къуралыууну 100-жыллыгъына – эсгериу майдал Къабарты-Малкъарны Башчысы Казбек Коков республиканы къуралыууну 100-жыллыгъына эсгериу майдал тохташдырыргъа оноу этгенди, аны юсюнден энчи Указ да чыгъаргъанды. Документ республиканы Правительствосуна аны жарашдырыу ишни бардырыргъа эм эсгериу майдалны юсюнден положенияны, аны суратын, саугъагъа удостоверение бланкыны юлгюсюн да къабыл кёрюрча сюзюуге чыгъарыргъа белгилейди. Майдалны къурашдырыу бла байламлы къоранчланы ахча жалчытылыныуу регион бюджетден боллукъду. Россейни Президенти Владимир Путин 2022 жылда Къабарты-Малкъар Республиканы 100-жыллыгъын белгилеуню юсюнден указгъа 2018 жылда къол салгъанды. Баш магъаналы жыйылыула 2022 жылны сентябрини ал кюнлеринде ётерикдиле. Программаны планында Москвада КъМР-ни кюнлерин бардырыу, концертле, битеуроссей илму конференцияла, турист фестивальла эм жаш тёлю этнография форумла белгиленипдиле.
Поделиться:
Читать также:
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
16.04.2024 - 12:39 →
Биринчи поликлиника жылны экинчи жарымында хайырланыргъа берилликди
12.04.2024 - 08:57 →
Жаш адамлагъа – не жаны бла да онгла
11.04.2024 - 14:13 →
Нальчикде террорчулукъгъа къажау болум кетерилгенди
| ||
