Ахшы тёреге кертичилей къалып

 Тырныауузну «Тотур» стадионунда  ветеранланы араларында футболдан тёрели регионла аралы турнир ётгенди. Ол бу жерли «Элбрус» команданы къауумунда ойнап тургъан Толгъурланы Аликге бла Муса Моловха жораланнганды.

 Турнирге Ставрополь крайдан «Ника», Шимал Осетия-Аланияны «Моздок», Ингуш Республиканы «Ингушт» эмда «Элбрус» командала къатышхандыла.

 Алгъадан ётген тюбешиуледен сора финалистле да ачыкъланнгандыла. «Моздокну» бла «Ингуштну» араларында бардырылгъан ахыр оюн а тенг эсеп бла бошалгъанды, 11-метрлик штрафнойла бла уа осетинли футболчула жетишимли болгъандыла. Турнирни алчылары да ма ала болгъандыла.

Эришиулени къураучусу – Элбрус районну физкультура эм спорт комитети – хорлагъан команданы, алчы жерлени алгъанланы да грамотала, майдалла бла да саугъалагъанды.  Оюнда кеслерин бек иги кёргюзтгенлеге уа энчи саугъала берилгендиле.