Битеу мюлкледе да ёсюм барды

КъМР-ни Эл мюлк министерствосундан билдиргенлерича, быйыл республиканы мюлклеринде сауулгъан сютню ёлчеми  ёсгенди. Алай бла беш айгъа ШималКавказстатны эсеплерине кёре, биригиулени барысы да 178 минг тонна сют алгъандыла. Былтыр бу замандан эсе ол 4.3 процентге кёпдю. 

Республикада чыгъарылгъан сютню 33,2 минг тоннасы  неда  19 проценти    эл мюлк организациялагъа жетеди.  Алада  белгиленнген кезиуде 5.4 процентге кёп сют сауулгъанды. Бек кёб а -  10,6 минг тонна - Бахсан районну мюклеринде алыннганды. Экинчи жерде  - 6,5 минг тонна бла - Чегем  эм 5,7 минг тонна  бла Зольск районла  барадыла.  

Арт жыллада сютлю малчылыкъда кёрюмдюле ёседиле. Эл мюлк организациялада январь-май айлада сютню ёлчемине  14,8 процент къошулгъанды. Саулай алып айтханда, бир ийнекден жылгъа 3073 литр сют сауулады. Ол кёрюмдю СКФО-ну субъектлеринде эм игиге саналады. 
       

 

Магометланы Сулейман.
Поделиться: