Келселе- къыйналмазча, келмеселе – жумушларын тамамлаялырча

РФ-ни Пенсия фондуну республикада бёлюмю сакъат адамла, фондха келип, жумушларын тамамлаялырча онгла къураугъа энчи магъана береди. Бу ишни «жол картагъа» таянып бардырады. Ол а къыяулары болгъан адамла мекямлагъа, транспортха киргенде, связь бла хайырланнганда, башха жумушларын этгенде тюбеген чурумланы табар эм аланы кетерир муратда жарашдырылгъанды.

Аны бла байламлы фондну жер-жерледе битеу бёлюмлеринде ким да жумушларын  тыйгъычсыз толтурурча энчи оборудование орнатылады, бу жаны бла халны дайым тинтирча, фондну мекямларына къарап, аланы паспортизациясын бардырырча ишчи къауум къуралгъанды. Аны бла бирге Пенсия фонд,  адамла ары келип къыйналмай  жумушларын «Гражданинни энчи кабинетинде» неда кёп функциялы аралада  тамамларгъа боллукъларын эсгертеди (ол фондну кесини энчи  сайтында барды).

Кульчаланы Зульфия.
Поделиться: