Бирге ишлеуню цифралы амаллагъа кёре къураргъаБу кюнледе Россейни бла Белоруссияны регионларыны форуму ётгенди. Ол цифралы амалла хар ишге да сингдириле баргъан заманда бирге ишлеуню жангыча къураугъа жораланнганды. Форумну пленар жыйылыууна КъМР-ни Башчысы Казбек Коков да къатышханды. Ол да бошдан тюйюлдю. Къабарты-Малкъар Беларусь бла сатыу-алыу-экономика байламлыкълагъа уллу магъана береди. Былтыр эки республиканы да правительстволарыны араларында сатыу-алыу-экономика,илму-техника эмда социал-маданият жаны бла да бирге ишлеуню юсюнден келишимге къол салыннган эди. Анга кёре жаланда 2021 жылны биринчи юч айында регионну Белоруссия бла сатыу-алыууну ёлчеми миллион доллардан аслам болгъанды. Ол а былтырны ол кезиуюнден эсе эки кереге асламды. Къабарты-Малкъарны промышленный предприятиялары Беларусьха налмас инструментле, мебель, аякъ кийимлеге жараулу картон, регуляторла, транзисторла эмда дагъыда кёп зат жибередиле. Аны эл мюлк техникасын а бизни республиканы сабанчылары сюйюп жюрютедиле. Агропромышленность комплексде эки жанлы бирге ишлеуню чеклеринде Беларусьха эртте жетген нартюхню урлукълары эмда татлы ашарыкъла жибериледиле. Мындан ары ол республикагъа башха мирзеулюк эмда къудору битимлени урлукъларын жиберирге умут этиледи.
Поделиться:
Читать также:
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
| ||
