Пенсиячылагъа ахча къалай къошулады

РФ-ни Пенсия фондундан (ПФ) билдиргенлерине кёре, ишлемеген пенсиячыланы страховой пенсияларына къошулады. Уруннганланы тёлеулерине уа индексация этилмейди. Алай  ала ишден кетселе, уруннган  заманларында  этилген битеу индексацияла пенсияларына къошуллукъдула.

Инсанны уруннган кезиуюн Пенсия фондну жер-жерли бёлюмлери иш бла жалчытхан жерден ай сайын келген билдириулеге  кёре санайдыла. Аллай  шартла  2016 жылдан башлап бериледиле. Ол адамны ишлеген кезиулеринде къошулгъанны тергер ючюн  къуралгъанды. Энди ол телеулени алыр ючюн заявление жазылмайды, керекли къагъытланы организацияла кеслери бередиле.

Алай адам иш бла кеси кесин жалчыта эсе, ПФ-ну органларында нотариусча, ёкюлча, энчи предпринимательча эсепде тура эсе, ол ишин тохтатхандан сора аллай къагъытланы Налогла  жаны бла  федерал служба ПФ-ха кеси жибереди.

Инсан ишлегенин тохтатса, аны пенсиясына битеу тийишли индексацияла къошуллукъдула. Кёбейтилген пенсияны ол ишден чыкъгъанындан сора экинчи айдан алып башларыкъды (кеси кесин иш бла жалчытханла да).  Жангыдан ишге чыкъса уа , пенсия ахчасы азайтыллыкъ тюйюлдю.

Пенсия фонд уруннган абаданланы айлыкъларын иш бла жалчытхан организацияладан келген страховой тёлеулени ёлчемлерине кёре жыл сайын жангыдан тергейди. Аны ючюн заявление жазаргъа керек тюйюлдю, бу жумуш ётген жыллада жыйылгъан баллагъа кёре тамамланады.

Адам 2020 жылда ишлеп, 2021 жылда пенсиягъа чыгъа эсе, страховой пенсиясына ол уруннган жылында жыйгъан баллагъа кёре къошуллукъду. Алай, «Страховой пенсияланы юсюнден» 2013 жылны 2 декабринде чыкъгъан 400-чю номерли Федерал законну 18-чи статьясына кёре, страховой пенсияны эм уллу кётюрюлгени юч пенсиялы бал чакълы боллукъду.

Эсгертиу: юйню тутхан адам ауушханы ючюн берилген пособияла жылгъа бир кере августда тергеледиле. Аны санагъан кезиуде пенсияны алгъан адамны ахчасы угъай, ёлгенни  страховой тёлеулери  эсге алынадыла.