Жаш инспекторла жолда жюрюуню жорукъларын уста билгенлерин кёргюзтгендилеНальчикде жангы автомобиль шахарчыкъ ачылгъанды. Анда ол кюн окъуна Жолда жюрюуню жаш инспекторларыны «Къоркъуусуз чарх» деген ат бла республикалы конкурсу да ётгенди. Республиканы хазна къалмай битеу районларындан 12 команда къатышханды. Жаш инспекторланы араларында Къашхатауда билим берген учрежденияны 5-чи «Б» классыны окъуучулары да болгъандыла. Аланы класс башчылары Жангарина Танзиля Магомедовнады. Къашхатаучула хар соруугъа тюз жууапла бергендиле. Конкурсну автошахарчыкъны станциясында бардырылгъан «Терклик эмда усталыкъ» деген кесегинде биринчи жерге школчула Башийланы Артур бла Уяналаны Салима тийишли болгъандыла. КъМР-де ич ишлени министри Василий Петрович Павлов сабийлени жолда жюрюуню жорукълары жаны бла билимлерине бийик багъа бергенди, аланы майдалла, грамотала эмда багъалы саугъала бла белгилегенди, деп билдиргендиле бизге Черек районну администрациясыны прес-службасындан.
Поделиться:
Читать также:
19.04.2024 - 13:05 →
Юлюшлю къурулушда ахшы амал
19.04.2024 - 12:24 →
Ауулну жарсыулу къадары
19.04.2024 - 12:23 →
Элледе жолла мардалагъа келиширча
18.04.2024 - 12:23 →
«Не заманлада да чагъыргъа жамауат къажау сюелгенди»
18.04.2024 - 10:30 →
Болушлукъну сайлар онг барды
|