Урван районну сюдю улутхачыланы жууапха тартханды

КъМР-ни прокуратурасыны пресс-службасындан бизге билдиргенлерича, К.-гъа эм Ш.-гъа Россейни УК-сыны 290-чы статьясыны 5-чи кесегини «а, б, в» пунктларына кёре терслеу материалла ачылгъандыла. Ала къауум адам алгъадан да келишип, ишчи борчларына кирген жумушланы тамамлар ючюн кёп санда улутха излегенлери ючюн терсленедиле.

 Ачыкъланнганыча, 2018 жылда Черек районда ОМВД-ны башчысыны орунбасары эмда следствие бёлюмню следователи авария этген инсандан 200 минг сомну излегендиле. Аны ючюн а уголовный жууапха тартмазгъа сёз бергендиле. Жол-транспорт болумда адам ауушханын чертирчады.

 Сюд, къырал терслеучюню шартларын тюзге санап, К.-гъа эм Ш-гъа 2 миллион эмда 1,5 миллион сом тазир салгъанды. Ала юч жылны ичинде право низамны сакълаучу органлада къуллукълада ишлерге эркин тюйюлдюле.