Айырмалы урлукъла чыгъарыргъа алланыпРегионлада кесибизни айырмалы урлукъларыбызгъа сурам ёсер ючюн, эл мюлк организациялагъа терк-терк билдирирге тийишлиди. Бахчалада сынау халда тюрлю-тюрлю сортланы ёсдюрюу да анга ахшы себеплик этерикди. Аны бла байламлы кёп болмай Россельхозцентрни республикада бёлюмюню специалистлери Баксанёнок аграрчыла шагъырейленирча 2 гектар чакълы жерде нартюхню гибрид тюрлюлеринден 16-сын сорт салгъандыла. Аланы арасында Къабарты-Малкъарда, Краснодар, Ставрополь крайлада эм тыш къыраллада чыгъарылгъанла да бардыла. Аланы онекиси урлукъ материалны жарашдырыу бла кюрешген "Отбор", "Гибрид СК", "Элеватор" биригиулени эм РАН-ны КъМР-де Эл мюлк институтуну F-1 гибридлерини къурамларына кёре жарашдырылгъанладыла. Нартюхню сагъынылгъан сортларын ёсдюрюрге аграрчылагъа болушлукъ этиликди. Ол санда Россейни бла тыш къыралланы урлукъларын тенглешдирирге онглары болурча эл мюлк придприятияланы келечилерине семинарла да къураллыкъдыла. Аны чеклеринде битимлени аурууладан, къурт-къумурсхадан къоруулагъан препаратланы эм семиртгичлени да кёрмючю къураллыкъды.
Поделиться:
Читать также:
01.05.2024 - 10:30 →
Къабарты-Малкъар Республиканы Башчысы К.В.Коковну Жаз башыны бла Урунууну байрамы бла алгъышлауу
01.05.2024 - 09:00 →
Ёмюрлеге эсде къалырча
30.04.2024 - 09:05 →
«Ызыбыздан келгенлени кёллендирирге, сахнаны жашырынлыкъларына тюшюндюрюрге кюрешебиз»
29.04.2024 - 18:47 →
Къабарты-Малкъарда суу жагъаланы ариуларгъа 30 минг адам къатышханды
29.04.2024 - 09:05 →
Ахшы тёрелеге кертичилик
|