Баш жетишим - шуёхлукъ

Черек районну къарындаш Зольск районунда  тарых  музей ачылгъанда, черекчиле  анга художник Баккуланы Владимирни  «Залгы эл» деген  суратын саугъагъа берген эдиле. Артдаракъда  художникни ол иши  «Маданият хазна» деген номинацияда «Шедевры территории победы»  конкурсха кёргюзтюлгенди эмда биринчи жерге тийишли болгъанды.

Музейни директору Галимат Макоева айтханнга кёре, анга Къабарты-Малкъарда жашагъанла угъай да, къоншу республикаладан да кёпле къол кётюргендиле. «Бу конкурс  бизни бирикдиргенди, жууукълашдыргъанды,деп кёпле жазгъандыла»,-деп чертгенди ол.

Зольскечиле къол кётюргенлени барына да жюрек ыразылыкъларын билдиредиле.