Маданият юйню жангыртадыла

19 мая, 2021 - 15:53

Черек районну Маданият юйю 1981 жылда  ишленнгенди да, андан бери  иги да тозурап, къышда сууукъ болуп тургъанды.  Бу кюнледе уа  анга тынгылы ремонт этилип  башланнганды. Жангыртыу ишле  Россей Федерацияны  «Элли жерлени комплекс халда айнытыу» деген  къырал программагъа кёре  бардырыладыла.

Шёндю мекямны  башын, ток ызларын, эшиклерин, полларын, терезелерин  алышындырадыла, къабыргъаларын сюртедиле.

Келишимге кёре тамамланыллыкъ  ишлени  барына да 28 миллион сом къоратыргъа белгилениледи.  Тапландырыу  ишле быйылны октябрь айына бошаллыкъдыла, деп билдиргендиле бизге Черек районну жер-жерли администрациясыны пресс-службасындан.

                                                                                                 

Люба Адилова.
  • 10 просмотров
Поделиться: