Гёжефлерибизде – 40 майдал

Москва областьны Покровское элинде тхэквондону GTF тюрлюсюнден кубогу эм биринчилиги бла бел бауланы фестивалы къуралгъандыла. Энчи эм командалы эсепледе хорлам ючюн къыралны аслам регионундан 1500-ден аслам спортчу сермешгендиле.

Республикабызны къауумуну келечилери бу эришиуде техника жаны бла тынгылы хазырланнганларын, усталыкъларын толу ачыкълагъандыла. Анга шагъатлыкъны ала 40 майдал – 12 алтын, 12 кюмюш эмда 16 доммакъ -  къытханлары этеди. Алай бла хорлагъанланы санына Ислам Абазов, Ратмир Калмыков, Ахматланы Аза бла Амина, Кетенчиланы Мурат, Эмир Мамхегов эм башхала къошулгъандыла.