Сейфде уа - онюч миллион сом

КъМР-ни прокуратурасы биреуню   ырысхысын урлагъан аманлыкъчылагъа ачылгъан уголовный ишни сюдню къараууна бергенди.  Анга кёре Т. Россейни УК-сыны 158-чи статьясыны 4-чю кесегини «б» пунктуна кёре терсленеди. Башхача айтханда, къауум адам бирге келишип, инсанны юйюне законсуз кирип, кёп санда аны ырысхысын урлагъанлары ючюн. 

 Следствие тохташдыргъаныча, 2020 жылда августда республиканы инсаныны юйюнден сейф урланнганды. Аны ичинде 13 миллион сом  бар эди.

Республиканы прокуратурасы бу аманлыкъны этгенледен бири  бла сюд аллы келишим этгенди. Анга ачылгъан уголовный иш, энчи тинтилип, ол да сюдге берилгенди.

 Быллай статьягъа кёре терсленнгенни эркинлиги он жылгъа дери сыйырылыргъа боллукъду.