Уллу кёллюлюк уллу хатагъа келтирир

Право низамны сакълаучула жолда аварияны сылтауларын тинтедиле. Аны кезиуюнде бир инсан ауур жарала алып ауушханды.

13 майда 10 сагъат 45 минутда «Джип Гранд Чероки» машинаны 27-жыллыкъ водители «Кавказ» федерал жолда Нальчикден Урван  таба бара болгъанды. Ал шартлагъа кёре, ол машиналаны араларындан къоркъуусуз узакълыкъны сакъламай, «ВАЗ - 21053» бла къагъышханды. Аны 44-жыллыкъ водители Урван эл таба бурулургъа жолну сакълап тура эди.

Алгъан жарала асыры ауурдан, ата журтлу машинаны водители алайда ауушханды.