Бир бирге хурмет этерге чакъырадыла

«Жаяу адам. Жаяу ётерге жарагъан жер» профилактика онкюнлюк чеклеринде автоинспекторла мингнге жууукъ бузукълукъну ачыкълагъандыла. Тинтиуледен ачыкланнганыча, жолда жюрюуге къатышхан жаяу адамла асламында жорукъланы толтурмайдыла, низамны сакъламайдыла.

Айны аллында он кюнню ичинде ГИБДД-ны инспекторлары бу жаны бла 970 бузукълукъну ачыкълагъандыла, аладан 416-сы водительле жаяу адамгъа жол бермегенлери бла байламлыды. 543 кезиуде уа жаяу адамла жолдан ётгенде жорукъланы сакъламагъандыла.

Майда солуу кюнледе къырал автоинспекторла республиканы инсанлары бла жолда жюрюуню жорукъларын ангылатып, эки мингден аслам профилактика ушакъла бардыргъандыла. Рейд жумушла мындан ары да бардырыллыкъдыла.

Автоинспекторла жаяу адамланы къатышыуларын бла жол-транспорт болумла асламында инсанларыбыз жолгъа водитель сунмай тургъанлай чартлап чыкъгъанлары, неда трассадан эркин этилмеген жерледен ётгенлери бла байламлыды. Водительле уа   мардадан терк барадыла, жолдан переходха жетген кезиуде тохтамайдыла.

Инспекторла жолда жюрюуге къатышханланы барысын да бир бирге хурмет этерге,   сабыр болургъа чакъырадыла.