Жолчулада иш къазауатды

Республиканы жер-жерлеринде жолланы жангыртыу ишле аслам халда бардырылгъанын ким да кёрюрчады. Сёз ючюн, Кёнделенде Эней улу эмда Ленин атлы орамлада жол къурулушчула эски асфальтны къырып, мурдорун тынгылы жарашдырып, ызы бла жангы асфальт салыргъа дейдиле. Битеуда он километр чакълы участкада мадар этилликди. Ишлени барын да келир айда бошаргъа умут этедиле.

Эски Черекде да иш къазауатды. Анда ара орамладан бирини тёрт -километрлик кесегине ремонт этиле турады. Транзит автотранспорт бу жол бла Котляревская таба баргъаны себепли, аны тап халда тутуу бютюнда магъаналыды. Подряд организацияны ишчилери шёндю асфальт сала турадыла. Ызы бла тротуарланы жарашдырлыкъдыла, жолну юсюнде жауун суула жыйылмазча мадар этерикдиле. Хар нени келир жайны ахырына бошаргъа дейдиле.

КъМР-ни Транспорт эмда жол мюлк министерствосунда айтханларына кёре, эки элде да ишле «Къоркъуусузлу тап жолла» деген миллет проектни чеклеринде жангыртыладыла. Аладан сора да, регионну транспорт сетинде кезиулю жангыртыу ишле аслам халда барадыла. Специалистле чунгурланы жамайдыла, тротуарланы тап халгъа келтиредиле, жол жанларын тазалайдыла, бордюрланы эмда белгилени бояйдыла.