Айбатландырыугъа тийишли жерни шахарчыла кеслери сайларгъа боллукъдулаНальчикни администрациясындан билдиргенлерине кёре, «Тынчлыкълы шахар среданы къурау» федерал проектни чеклеринде 26 апрельде шахарны жер-жерлерин игилендириу бла байламлы къол кётюрюу башланнганды. Алай бла Нальчикде айбатландырыугъа жараулу жети объект айырылгъанды: - аэропортну тийресинден Ю.А. Гагарин атлы сквер; - Х.М. Бербеков атлы университетни къатында сквер; - Канукоев атлы орамда «Курортный» сквер; - Идаров-Мовсисян орамланы араларында сквер; - Ленин атлы проспект бла Тарчоков орамны араларында сквер; - Комаров атлы орамда сквер; - «Нарт» микрорайонда Амшоков атлы орамда сквер. Шахарчыладан бу объектден бирин сайларлары изленеди. Къол 7.gorodsreda.ru сайтда неда адамла аслам жыйылгъан жерледе орнатылгъан информация точкалада кётюрюрге боллукъду. Бу ишге Россейни 14 жыллары толгъан гражданлары къатышаллыкъдыла. Сайлау 30 майгъа дери бардырыллыкъды.
Поделиться:
Читать также:
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
|