Къыйын кюрешледе - майдалла

Нальчикде Универсал спорт комплексде дзюдодан, милицияны подполковниги Джульбер Быковну хурметине аталып, тёрели эришиу бардырылгъанды. Анга СКФО-дан, ЮФО-дан бла Азербайджандан 465 адам къатышхандыла.

Аллай кёп спортчу болгъан жерде хорлагъан бек къыйынды, болсада бизни дзюдочуларыбыз майдалсыз къалмагъандыла. Тиширыулада биринчи жерге Элеонора Шорманова (40кг.) бла Ариана Конокова (48кг.) чыкъгъандыла, Байдаланы Аиша (44кг.) – экинчи, Мисирланы Карина (44кг.) ючюнчю болгъандыла. Жашлада «кюмюшню» Кантемир Замбатов (46кг.) алгъанды, Имран Моздогов (50кг.) бла Байсыланы Таулан (60кг.) «доммакъла» къытхандыла. Спортчулабырызны тренерле Мухамед Емкужев,  Залим Гаданов, Беслан Дзуев бла Олег Махов юйретедиле, деп билдиргендиле КъМР-ни Спорт министерствосуну пресс-службасындан.