Водитель бузукълукъну кетерирге борчлу этиледиЖылны аллындан бери жолда жюрюуню къоркъуусузлугъуну инспекторлары водительле машиналарыны миялаларын асыры къаралдым этгенлери бла байламлы 4,1 мингден аслам бузукълукъну ачыкълагъандыла. Аллай миялала кюнню жарыгъын жибермей, къоркъуусузлукъну техника регламентине келишмегенин эсгертедиле автоинспекторла. Быллай бузукълукъ ючюн жууаплылыкъны юсюнден айтханда, КоАП-ны 12.5-чи статьясыны 3.1-чи кесегине кёре административ тазир 500 сомгъа жетеди. Аны бла бирге водитель бузукълукъну кетерирге борчлу этиледи – мияладан къаралдым плёнканы тешерге. Къырал автоинспекторла мияла къаралдым болгъанда водитель жолну аман кёргенин, къарангыда башха объектлеге дери кенгликни тюз тохташдырыргъа чырмаула этилгенлерин эсгертедиле. Аны хатасындан авариягъа тюшерге къоркъуу уллу болады, бютюнда кече. Аны бла байламлы инспекторла водительлени машиналарын техника регламентге келишдирирге тилейдиле. Ол жолда жюрюуге къатышханланы саулукълары, жашаулары бла байламлыды.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|