Тапландырыллыкъ объектлени адамла кеслери сайларыкъдыла

Келир жыл тапландырыллыкъ жамауат тийрелени айырыу жаны бла битеуроссей къол кётюрюуге бизни республика да къатышырыкъды. КъМР-ни Экономиканы айнытыу министерствосундан билдиргенлерине кёре, бу иш быйыл 26 апрельден башлап, 30 майгъа дери  www.za.gorodsreda.ru платформада онлайн халда бардырыллыкъды. Барындан да кёп къайсы муниципалитетле ючюн къол кётюрюлсе, ахча алагъа берилликди.

Бизни республикадан бу проектге беш шахар къатышыргъа умутлуду: Нальчик, Тырныаууз, Бахсан, Прохладный эм Майский. Алада тапландырыргъа тийишли битеу да жыйырма объект барды. Ол санда скверле, орамла, аллеяла, тротуарла да.

Къол кётюрюр ючюн, сагъынылгъан сайтха кирип, «Платформа голосования» бёлюмде регионну, округну неда районну табып, анда жаратхан объектни сайларгъа керекди. Аны дагъыда Госуслуги порталда тамамларгъа боллукъду.

Бу ишге къатышыргъа сюйгенлеге КъМР-ни волонтёрлукъну айнытыу ресурс арасыны жарым минг келечиси болушурукъду. Муниципалитетлени администрацияларында, банклада, МФЦ-лада, сатыу-алыу аралада эмда адамла аслам жыйылыучу жерледе тийишли пунктла ачыллыкъдыла.   

 

 

Улбашланы Мурат.
Поделиться: