Тюз ниетлени, оюмланы къурауда хайырлы ушакъла

Россей УФСИН-ини Къабарты-Малкъар Республикада 3-чю номерли тюзетиу колониясында тутулуп тургъанла КъМР-ни экстремизмни болдурмау бёлюмде толтуруучу власть органланы ишлерини координация соруулары жаны бла министри Залим Кашироков бла тюбешгендиле. Министр экстремизмни къурамыны, аны бла байламлы республикада шёндюгю болумну, террорчулукъну саулай да къоркъуулулугъуну юсюнден айтханды.  Ол жарсыуну толуракъ ангыларча, тюбешиу видеоматериал кёргюзтюуден башланнганды. Анда 2005 жылда октябрьде Нальчик шахаргъа чабыууллукъ этгени ючюн терсленип олтургъан аны алдап аманлыкъчы къауумгъа къалай къошханларын билдиреди эм этген иши ючюн чогъожланады.

Жамауатдан бир ауукъ заманнга бир жанына болгъан адамлагъа айланып Залим Кашироков бу жолугъуу террорчулукъгъа къажау къырал политиканы чеклеринде къуралгъанын айтханды. Аны мурдорунда профилактика иш турады. Тутмакъланы эслери терроризмни проблемасы бусагъатда бек уллу жарсыуладан бири болгъанына, аны Россейге геополитика къажаулукъ амалча хайырланылгъанына бурулгъанды.

«Бюгюнлюкде терроризмни иннетлери жангы осал оюмла къурай барадыла. Ала динни чеклеринден узакъ кетип, онла бла джихадны онгларын чыгъаргъандыла, ол а жаш тёлюню законну сакъламазгъа тюртюрге болады. «Тюрсюнлю ынкъыйлаплагъа» дин мурдорла салгъанча этедиле, муслийманланы къажаулукъ акциялагъа къошарча эм къыралда тохташыулукъну бузарча», - деп чертгенди Залим Кашироков.

Ушакъны кезиуюнде исламны жорукъларына, дин экстремизмни чыгъыууну тамырларына, экстремист иннетле адам улугъа къаллай къоркъуула бла болумла чыгъаргъанларына энчи эс бёлюннгенди. Быллай тюбешиуле тутулуп тургъанланы араларында террорчулукъ оюмла жайылмаугъа, аланы ахырысы бла болдурмаугъа бурулгъанларын а чертип айтыргъа тийишлиди, деп билдиргендиле бизге РФ УФСИН-ини КъМР-де бёлюмюню пресс-службасындан.

Поделиться: