Къуралыулу эмда хыйсаплы

Право низамгъа бузукълукъланы азайтыр мурат бла Элбрус районну Физкультура эм спорт комитети сакъат сабийлени араларында эришиуле къурагъанлы юч жыл болады. Быйыл а алагъа республиканы спорт-адаптив школунда юйреннгенле да къатышхандыла.      
Эришиу Тырныауузда В.А. Губанов атлы «Геолог» спорт-саулукъну кючлеу комплексде ётгенди. Тёреде бола келгенича, сабийле спортну паралимпиада  тюрлюлеринде сынашхандыла. Пауэрлифтингни сюйгенле штанганы аскердеча кётюрюп да кёргендиле. Боччеде уа ала гитче топну илишаннга атхандыла.
 Элбрус райондан ахшы кёрюмдюле Хабичланы Жамиля, Таймураз Картляшев, Тилланы Къууанч, Апсуаланы Жамиля, Эльнур Алекберов эм башхала кёргюзтгендиле, аланы тренер Жаппуланы Лейля юйретеди. Эришиулени къууанчлы халда ачылыуларына эм хорлагъанланы саугъалаугъа районну администрациясыны башчысыны орунбасары Атаккуланы Руслан къатышханды. Чыгъармачылыкъ къауумла да спорт байрамгъа энчи къууат бергендиле.
Суратлада: эриишуле баргъан кезиу; саугъалау; хорлагъанла.

Анатолий ТЕМИРОВ.
Поделиться: