Жолчуланы быйыл ишлери кёпдю

Быйыл республиканы жолларында аслам жумуш этилликди. Тийишли миллет проектни чеклеринде жюз километрден артыкъ трассаланы тап халгъа келтирирге керекди. КъМР-ни Транспорт эмда жол мюлк министерствосундан билдиргенлерине кёре, подрядчикле аланы озгъан къышда окъуна хазыр этип башлагъан эдиле. Тийишли белгиле, билдириу белгиле орнатылгъандыла, тереклени эмда юлкюлени чырмау салгъан бутакъларын кесип кетергендиле, бир-бир жерледе уа эски асфальтны къырып кетергендиле.

Кюнню халы тохташханы бла жол къурулушчула бир ненча элде ишни башларыкъдыла. Айтылгъаныча, Хасанияны бла Вольный-Ауулну арасында жолгъа да тынгылы ремонт этилликди. Ишлени барын да жайны ахырына дери бошар умутлудула.

Дагъыда келир окъуу жыл башланыргъа, Яникойда, Нартанда, Кёнделенде, Псыкодда, Залукодесде, Дженалда эмда Кубада тогъуз орта школну къатында жолла жангыртыллыкъдыла. Ызы бла алайлада энчи светофорла, буруула, жол белгиле да орнатыллыкъдыла.

Улбашланы Мурат хазырлагъанды.
Поделиться: