Агъач мюлк саулай цифралы формагъа кёчюрюлюрча

Быйыл  Росреестр бир электрон ресурсда  къыралны агъачларыны картасын  къурарча проектге къошумчулукъ этерикди.   Картада  агъач мюлкледен толу хапар билдирилликди:  чеклени, къайсы категориягъа саналгъанлары,  къаллай ишле бардырыргъа жарагъаныны,  санитар болумну,  ёртенлени  эмда башха затланы юсюнден. Андан сора да, быйыл Къырал Дума агъачны  хайырланыу жаны бла   жангы законопроектни къабыл этгенди. Анга кёре РФ-ни Агъач кодексине бир къауум тюрлениуле кийирилгендиле.  Сёз ючюн, къыралны агъач комплексин электрон картагъа кёчюрюрча.  Ол амал    делянкада къаллай бир терек  кесилгенин, аны   къайда   жарашдырылгъанын, сатылгъанын, ол санда   тыш къыралгъа чыгъарылгъанын да  тинтирге болушурукъду.    

Аны баш борчларындан бири агъач комплексни  Федерал къырал  информация  системагъа  (ФГИС ЛК)  тюшюрюгеди. Анга кёре   агъач реестрге федерал даража берилликди эм   быйылдан башлап сынау халда   къарауну Россейни Агъач мюлк управлениясы  бардырлыкъды.