Эл мюлк жаны бла къыйматлы проектлеКъабарты-Малкъарда «Эл жерлени комплекс халда айнытыу» къырал программагъа кёре, 2021-2022 жыллада юч проект бардырыллыкъды, деп билдириледи КъМР-ни Эл мюлк министерствосуну пресс-службасындан. Кёп болмай Россейни Эл мюлк министерствосуну комиссиясы Къабарты-Малкъардан юч проектни къабыл кёргенди. Аладан бири Черек эм экиси Прохладна райондандыла. Анга кёре, Солдатская элде 140 сабийге школгъа дери билим берген учреждение эм таза суу бла жалчытхан скважина ишленирикди. Пролетарскоеде да школгъа тынгылы ремонт этилликди, орамлары кече жарыкъ болурча эм ичер суу бла жалчытырча да мадар изленирикди. «Къашхатауну комплекс халда айнытыу» проектге кёре уа Маданият юй жангыртыллыкъды, анга деп эки автобус алынырыкъды эм мектепге тынгылы ремонт этилликди. План бла сагъынылгъан объектледе ишлени экинчи жылгъа бошарыкъдыла, сабий садны уа жалан 2022 жылгъа тындырыр муратлыдыла. Саулай айтханда, юч проектни да багъасы 230 миллион сомгъа жетеди. Аны асламысы федерал бюджетден бёлюнюрюкдю, ол санда республика кесинден да 2,3 миллион сом къошарыкъды. Андан сора да, муниципал эм башха жерини да ахча болушлукъ изленирикди.
Поделиться:
Читать также:
05.03.2024 - 09:28 →
Инфляция азая барады
09.02.2024 - 11:24 →
Жашауну тутуругъу
08.02.2024 - 15:20 →
Предпринимательлени саны ёсгенди
09.01.2024 - 16:53 →
Казбек Коков жолланы халларына къарагъанды
10.12.2023 - 10:30 →
ДОКУМЕНТЛЕ
|