Алиментле тёлемегенледен бютюн къаты сураллыкъды

   РФ-ни Сюд приставларыны службасыны КъМР-де Управлениясы сабийлени  эркинликлерин  къоруулау жаны бла уллу иш бардырады, ёз балаларына    алиментле тёлемей къутулургъа умут этгенле бла кюрешге  уа  энчи эс бурады.

Алайды да, ведомствону пресс-службасыны шартларына кёре, былтыр ол бузукълукълары ючюн  619 ишге кёре мадар этилгенди,  административ жууапха 73 адам тартылгъанды, 536 адамгъа  борчлу халда ишлерге буюрулгъанды, оноуланнга да тазир салыннганды.

   РФ-ни УК-сыны157-чи статьясыны биринчи кесегине тийишлиликде уголовный жууапха 141 адам тартылгъанды. Акъылбалыкъ болмагъан сабийлерине алиментлени сюд борчлу халда  тёлерге деп  тохташдыргъандан сора да, аладан албугъартханланы ишлерине  экинчи кере къаралгъанды эмда аллайланы  алты айгъа тутмакъгъа  салыргъа оноу чыгъарылгъанды.