Жол ишлени кёз туурада тутадыла«Къоркъуусузлу эмда качестволу автомобиль жолла» деген миллет проектни чеклеринде бизни республикада аслам иш этиледи. Ол санда шёндю Чегем районда Шалушка – Каменка жолну бир кесеги жангыртыла турады, деп билдиргендиле КъМР-ни Транспорт эмда жол мюлк министерствосундан. Бу ишле Шалушканы ичинде 6,1 километрлик участкада барадыла. Подряд организацияны специалистлери аны асфальт-бетон къатыш материал бла тюзетип чыкъгъандыла. Ызы бла жол жанларында эмда аны юсюнде болжаллы белгиле орнатхандыла. Озгъан айны ючюнчюсюнде министерствосуну келечилери, ОНФ-ни КъМР-де бёлюмюню активистлери бла бирге бу объектде иш къалай баргъаны бла шагъырейленнген эдиле. Республикада жоллагъа ремонт къалай этилгенине ОНФ дайым кёз-къулакъ болуп турады. Шёндю да аны регионда исполкомуну башчысы Евгений Бакаев бу объектде иш тынгылы бардырылгъанын белгилегенди эмда талай рекомендацияла бергенди. Халкъ фронтну регионда «Жукъгъа жарамазлыкъ жолланы картасы/ОНФ-ни жол инспекциясы» проектини координатору Анзор Тхамоков да: «Подряд организацияны келечилери эмда заказчик ол эсгертиулеге эс бурурла деп ышанабыз», - дегенди. Министерствода айтханларыча, быллай инспекция-контроль жумушла мындан арысында да ыйыкъ сайын бардырыла турлукъдула. Аланы кезиуюнде этилген эсгертиуле да сансыз этиллик тюйюлдюле.
Поделиться:
Читать также:
14.05.2024 - 09:00 →
Уруш жолланы сабийле эсгередиле
13.05.2024 - 12:35 →
Таулагъа, таулулагъа да энчи хурмет бла жазылгъан тизгинле
13.05.2024 - 12:32 →
«Кёк бла жер арасында»
13.05.2024 - 09:05 →
«Сайлауума сокъуранмайма, ыразыма»
12.05.2024 - 09:23 →
Къачан да ал сатырда эди
|