Эслилик уллу хатадан сакъларчады

Кёп болмай Урван районда «Бир такъыйкъа жашауну тюрлендиреди» деген акция бардырылгъанды. Аны КъМР-ни Ич ишле министерствону Къырал автоинспекциясыны управлениясыны келечилери водительлеге бла пассажирлеге жолда къоркъуусузлукъу унутмазгъа керегин эслерине салыр хыйсапда бардыргъандыла. Анга ведомствону жамауат советини бёлюмюню таматасы Суфьян Хамизов эм «Биринчилени атламлары» биригиуюню бёлюмюню келечилери да къатышхандыла, деп билдириледи КъМР-де МВД-ны пресс-службасындан.

Сёз ючюн, испекторла аварияланы кезиуюнде къоркъуусузлукъ бел бау такъгъанла кеслерин эм бирсилени да ёлюмден эм ауур жаралы болурларындан сакълагъанларыны юсюнден  юлгюле келтиргендле. Ол кюн жамауат советни келечиси да акъылбалыкъ болмагъанланы  уллу кёллюлюк этмей сакъ болургъа чакъыргъанды. 

- Машинада хайырланнган терс жарашдырылгъан неда арталлыда салынмагъан сабий шинтик уллу хатагъа келтирирге боллукъду, - деп эсгертгенди Суфьян Хамизов.

Саулай алып айтханда, акцияны чеклеринде водительле, кеслеринден сора да, ахлуларына да сакъ болургъа, жорукълада белгиленнген шартлагъа уллу  кёллюлюк этмезге сёз бергендиле.