Экеулен наркотикле бла тутулгъандыла

МВД-ны Май районда бёлюмюню келечилери, автоинспекторла бла бирге Майский шахарда Гагарин атлы орамда бара тургъан «Лада Гранта» улоуну тыйгъандыла. Аны ичинде олтургъанладан бири ары дери да жазагъа тартыла тургъан ол жерли 38-жыллыкъ киши эди.

Полициячыла машинаны ичин къармагъанда, ал шинтиклерини ортасында ичлеринде ун маталлы затлары болгъан эки чулгъам тапхандыла - ала бу адамныкъы эдиле.

Экспертиза аланы ичиндеги зат наркотик болгъанын шарт кёргюзтгенди. Ишекликге тюшген жаш, аны Ставрополь крайда ызы бла сатаргъа угъай, кеси хайырланырча алгъанын билдиргенди.

Нальчикде уа КъМР-де МВД-ны наркотиклеге контроль этиу управлениясыны (УНК) келечилери оператив-излеу ишни чеклеринде шёндюге дери да олтура тургъан 50-жыллыкъ эркегырыуну тыйгъандыла. Бу адам анга деп букъдурулуп тургъан наркотиклени къолуна алгъан эди. Полициячыла, ол затны сыйырып, экспертизагъа жибергендиле, анда уа ол 5 граммдан артыкъ тартхан героин болгъанын тохташдыргъандыла.

Бу адамланы экисине да РФ-ни Уголовный Кодексини 228-чи статьясыны 2-чи кесегине тийишлиликде терслеу ишле ачылгъандыла, деп билдиргендиле КъМР-де МВД-ны пресс-службасындан.