Къарыусузгъа болушханны сууаплыгъы уллуду

КъМР-ни Жаш тёлюню ишлери жаны бла министерствосу къурап «Сабийни школгъа хазырла» деген акция 2022 жылдан бери бардырылады. Быйыл ол жайны биринчи кюнлеринде башланнганды. Аны къууанчлы халда ачылыуу Нальчикде Жаш тёлюню юйюнде болгъанды.
 Алай бла юч ай чакълы заманны ичинде власть органланы, жамауат организацияланы келечилери, предпринимательле эм башхала да къыйын болумгъа тюшген, кёп эм сакъат сабийлери болгъан юйюрлеге кийимле, канцеляр керекле, портфельле эм башха затла  алгъандыла.   
Жандауурлукъ акциягъа жыл сайын КъМР-ни Урунуу эмда социал къоруулау министерствосу да тири къатышады.  Быйыл да ведомствону ишчилери абериле бла бирге  иги кесек ахчаны да акцияны бардыргъанлагъа бергендиле.   
Эсге сала айтсакъ, КъМР-ни Урунуу эмда социал къоруулау министерствосуну башчылары бу жандауурлукъ ишге къошумчулукъ этген ишчилерине ыразылыкъларын билидиредиле эм жерлешлерибизни да анга тири къатышыргъа чакъырадыла.