Къырал байракъны кюнюнде – Машукну башына

26 августа, 2026 - 14:16

Россейни байрагъыны кюнюн «Машук» битеуроссей жаш тёлю форумгъа къатышханла Пятигорскну эм бийик жеринде - Машук тауну башында белгилегендиле.

Ёрлеу эрттенликде сагъат тёртде Комсомол таладан башланнганды. Тауну башына жетгенде уа, форумчула 993 метр бийикликде къыралны 108 квадрат метрлик байрагъын жайгъандыла, ол кезиуде байракъ шахарны хар орамындан, юйюнден да кёрюннгенди. Жаш адамла уа быллай жумушла алагъа деменгили къыралны кесеги болгъанларын, аны тамбласы ючюн жууаплылыкъларын сездиргенин белгилегендиле.

 

Кульчаланы Зульфия.
  • 14 просмотров
Поделиться: