Къараучуланы кюнюн айтхылыкъ футболчула бла бирге

Республиканы Спорт министерствосуну МАХ-да каналында билдиргенлерине кёре, Нальчикде 13 августда къараучуланы кюню белгиленирикди. Анга футболда атлары айтылгъан сыйлы къонакъла ЕРО-2008 эришиуню доммакъ призёру Россейни эки кере чемпиону Владимир Габулов, къыралны тиширыу жыйымдыкъ къауумуну баш тренери Юрий Красножан, Россейни чемпиону Денис Попов, «Динамода» бла «Локомотивде» ойнагъан Эрик Корчагин да келликдиле.

Футболдан россейли биригиу Россейни кубогуну экинчи туруну  баш матчыны - «Спартак-Нальчик» бла «Алания» - аллында фестиваль къурарыкъды. Анда футболну сюйгенле сыйлы къонакъла бла суратха тюшаллыкъдыла, турнирни баш саугъасын да кёраллыкъдыла, «Блестящие» къауум а жырлары бла къууандырлыкъды.

«Спартак-Нальчик» - «Алания» матч Нальчикде «Спартак» майданда ётерикди, ол 17:00 сагъатда башланырыкъды.