Газетлеге бла журналлагъа алгъыннгы багъала бла жаздырырча

«Россейни почтасы» билдиргеннге кёре Къабарты-Малкъарда аны жумушларын хайырланнганла 2027 жылны биринчи жарымына газетлеге бла журналлагъа алгъыннгы багъала бла бу жайны аягъына дери жаздырыргъа боллукъдула.
Ол тизмеге 900-ден артыкъ издание киреди. Аланы араларында сабий, глянец, булжутуучу журналла бла энчи басма изданияла бардыла. Жазылыугъа къошулургъа сюйгенле ол жумушларын podpiska.pochta.ru сайтда, дагъыда Россейни почтасыны мобиль къошакъларында эмда почтаны битеу бёлюмлеринде тамамларгъа боллукъдула.
Дайым чыкъгъан газетлеге бла журналлагъа онлайн халда жаздырыр амал да барды. Дагъыда почта бёлюмледе «Дерево добра» акцияны хайыры бла уа  интернат школлагъа, ёксюзле, къартла тургъан юйлеге, ветеранлагъа, уллайгъан къоншулагъа, сакъатлагъа неда болушлукъ керекли болгъанлагъа журналланы бла газетлени сууаплыкъ халда жаздырыргъа боллукъду. Аны ючюн почтаны бёлюмлеринде неда акцияны бетлеринде регионну бла социал учрежденияны сайларгъа керекди. Дагъыда изданияны карточкасына кёчюп, жазылыуну жарашдыргъан заманда «Дерево добра» бёлюмню сайларгъа боллукъду.