Таулу киийз – республиканы белгиси

Кёп болмай Роспатентде регистрацияны ётгенден сора, къой жюнден жарашдырылгъан  таулу кийиз Къабарты-Малкъарны регионал брендлеринден бирине саналгъанды.   Алай бла акъыл бла этилген продукцияны сакълау жаны бла  федерал службаны  сайтында айтылгъаннга кёре, таулу кийиз  бизде  этилгени белгиленнгенди.  

Эсге сала айтсакъ, таулу кийизни тарыхы терен ёмюрлеге кетеди.  Аны жарашдырыу бла байламлы технологияны тиширыула кеслеринден жашыракълагъа юйрете келедиле. Кийизни эбине жетдирирча иги кесек къыйын салыргъа керекди, бирде ай чакълы кюреширге да тюшеди.

Кийизлени кёп тюрлюлери  бардыла, ала  бурунладан бери  таулуну жашау журтун жылытхандыла  эм къууатлыкъ да къошхандыла. Аланы юслеринде оюлары да  энчи бир магъананы жюрютедиле.  Аны себепли къайсын къайда жасаргъа, неда тагъаргъа жарарыгъын  билирге керекди.

Роспатентде айтханларыча, кийизге дери  республиканы бренди деген даражалы атха  «Малка» бла «Хабаз» гара суула тийишли болгъан эдиле.