Кезиулю тау тёппеге чыкъгъандыла

Бийиклиги 7134 метр болгъан Ленин атлы тау тёппеге бу кюнледе РФ-ни МЧС-ни Элбрус бийик-тау излеу-къутхарыу отрядны келечилери Газаланы Алибек бла Жеттеланы Исмайыл кётюрюлгенлерини юсюнден ахшы хапар келгенди. Жашла ары малкъар халкъны байрагъын да чыгъаргъандыла. 

Эсигизге салайыкъ, Памирни жетиминглик тау тёппелеринден бири Къыргъызны бла Таджикистанны чеклеринде орналады. Къыйынлыгъы бла 4Б категориялыгъа саналады. Анга 6-минглик тёппелеге миннген сынамлы альпинистле ёрлеяладыла. Таулу жашларыбыз да аладан бирлеридиле. Ала кёп къыраллада болуп, белгили тауланы тёппелерине чыгъа келгендиле.