УФСБ: Полициячыны бузукълугъун тохтатхандыла

Россейни Къоркъуусузлукъну федерал службасыны КъМР-де Управлениясыны къуллукъчулары, Ич ишле министерствону кеси къоркъуусузлукъ бёлюмюню полициячылары бла бирге РФ-ни МВД-сыны Май районда бёлюмюню келечисини аманлыкъчы ишин тыйгъандыла.   
УФСБ-ны пресс-службасындан бизге билдиргенлерича, ол кесини къуллугъун хайырланып, компьютерде сакъланнган жашырын шартланы законсуз жыйышдыргъанды, республиканы юч инсаныны юсюнден  болумланы башха адамлагъа белгили этгенди. 
 РФ-ни Следствие комитетини КъМР-де следствие управлениясыны къуллукъчулары Россейни УК-сыны 272.1-чи статьясыны 3-чю кесегини «г» пунктуна бузукълукъ этилгени бла байламлы уголовный иш ачхандыла. Законлада белгиленнгенича, быллай аманлыкъ этгенни эркинлиги алты жылгъа дери сыйырылыргъа боллукъду. 
«КъМР-де Ич ишле министерство тийишли тинтиуле бардыргъанды. 2026 жылда 2 июльда терсленнген ич  ишле органлада къуллукъдан эркин этилгенди», – деп билдиргендиле МВД-ны пресс-службасындан.