УФСБ: Жалгъан документлени хайырланып

10 июля, 2026 - 12:56

Россейни Къоркъуусузлукъну  федерал службасыны КъМР-де управлениясыны къуллукъчулары КъМР-де МВД-ны келечилери бла бирге къоншу регионладан бирини 37-жыллыкъ инсаныны хыйла этиуюн  тохтатхандыла. Ол къоркъуусузлукъ жаны бла органладан бирини къуллукъчусуну  жалгъан документлерин хайырланнганды.   Анга  РФ-ни УК-сыны 327-чи статьясыны 3-чю кесегине бузукълукъ этилгени бла байламлы терслеу материалла ачылгъандыла. УФСБ-ны пресс-службасындан бизге билдиргенлерича, быллай аманлыкъ этгенни эркинлиги бир жылгъа дери сыйырылыргъа боллукъду.

Тикаланы Фатима.
  • 5 просмотров
Поделиться: