Эм жаш чемпионладан бирине саналгъанды

Республиканы Спорт министерствосундан  билдиргенлерине кёре, бу кюнледе Нальчикде эр кишилени бла тиширыуланы араларында тёрели шахматладан республиканы чемпионаты бардырылгъанды. Анда  68 шахматчы  кесин сынагъанды.

Эришиулени эсеплерине кёре, биринчи жерни Текуланы Эмир алгъанды. Экинчини  – Дамир Вороков. Ючюнчюге уа Астемир Юанов тийишли болгъанды.

Тиширыуладан а  «алтын» Ахматланы Аминадады. Экинчи жер Милана Броевадады. «Доммакъгъа» уа Князланы Рита тийишли болгъанды.

Текуланы Эмир республиканы арасында эр кишилени араларында КъМР-ни эм жаш чемпионларындан бирине саналгъанды.