УФСБ: Ахчаны жыйып, тышына ашыргъанды

Россейни Къоркъуусузлукъну федерал службасыны КъМР-де Управлениясыны къуллукъчулары республиканы 45-жыллыкъ инсаныны аманлыкъчы ишин тохтатхандыла. Ол террористлеге ахча бергенине ишеклик барды.

УФСБ-ны пресс-службасындан билдиргенлерича, терсленнген, ахча жыйыуну къурап, ызы бла аны халкъла аралы террорист организацияланы РФ-ни право низамны сакълаучуларындан тыш къыраллада букъгъан келечилерини счётларына ашыргъанды.

Россейни Следствие комитетини КъМР-де Следствие управлениясы РФ-ни УК-сыны 205.1-чи статьясыны 1.1-чи кесегине бузукълукъ этилгени бла байламлы уголовный иш ачханды. Законлада белгиленнгенича, быллай аманлыкъ этгенни эркинлиги 15 жылгъа дери сыйырылыргъа боллукъду.