Бир бири амалларына тюшюннгендиле

Къабарты-Малкъарны бла Ставрополь крайны прокуратураларыны ветеран организацияларыны башчылары Хачим Машуков бла Шахид Тутаев Нальчикде тюбешип, ишчи сорууланы сюзгендиле, надзор ведомствону музейи бла шагъырей болгъандыла.   

Биринчиден, прокурорну орунбасары Дмитрий Жуковну башчылыгъында жыйылыу болгъанды. Анга дагъыда РФ-ни СК-сыны КъМР-де следствие управлениясыны ветеран организациясыны келечилери да къошулгъандыла. Сёз тамамланнган жумушланы, жаш кадрланы ишчи сынаугъа, Ата журтха сюймекликге юйретиуню къурауну юслеринден баргъанды. 

Ызы бла кенгешге къатышханла ведомствону музейи бла шагъырейленнгендиле, Нальчикни прокуратурасыны мекямында да болгъандыла. 

Ишчи жолоучулукъдан сора байламлыкъланы кючлеу, сынамгъа тюшюнюу жаны бла  оноула этилгендиле.