Къабарты-Малкъарны хурметли жамауаты!
Сизни Россейни кюню бла жюрегимден къызыу алгъышлайма!
Бу байрам къыралыбызны кёп миллетли халкъыны къадарыны, аны махтаулу тарыхыны, жетишимлерини бла хорламларыны бирлигини белгисиди. Ата журтубузгъа кертичиликни, анга кесин аямай къуллукъ этиуню, аны бла бир ниетли болууну ёмюрлени теренинден келген тёрелерини, бизни барыбызны да Россей, аны къолайлы келир заманы ючюн къайгъырыуубузну ачыкъ шартыды.
Ма ол ёмюрлюк хазнала, ата-бабаларыбызны Ата журтха сюймекликлери, аскер жигитликлери бла урунуу жигерликлери бизге юлгю болуп, жолубузну ызлайдыла, мамыр ишлеге дайым кёллендиргенлей турадыла, къыйын сынауладан ётерге эмда муратларыбызгъа жетерге болушадыла.
Ала къойгъан хазнала бизге бек сыйлыдыла. Бюгюнлюкде, къыралыбызны къыйын заманында, тамата тёлюлерибизни осуятлары жамауатыбызны бютюн бек бирикдиредиле, бютюн бийик жетишимлеге бла хорламлагъа кёллендиредиле. Анга энчи аскер операцияда тюзлюк ючюн къазауат этген, Россейни миллет сейирлерин бла жалынчакъсызлыгъын къоруулагъан аскерчилерибизни жигитликлери толусунлай шагъатлыкъ этедиле. Биз аланы хар бири бла да ёхтемленебиз.
Бирге болсакъ, биз, бирлигибизни, бир ниетлилигибизни да кючлей, битеу къыйынлыкъланы да хорлай, къыралыбызгъа къажау сюелгенлеге тийишли жууап бераллыгъыбызгъа, Россей бютюн деменгили, бютюн кючлю, жашнап баргъан къырал болурча эталлыгъыбызгъа ишексизме.
Барыгъызгъа да кийик саулукъ, ырахатлыкъ бла монглукъ тежейме!
