Эсгертмелени жангыртадыла

22 мая, 2026 - 13:57

Бу кюнледе «Къабарты-Малкъар Республиканы маданияты» регионал программагъа кёре Атажукино элде белгили 910 бийкликде орналгъан  Уллу Ата журт урушда ёлгенлени эсгертмесин жангыртып кюрешедиле.

Ишлени кезиуюнде стеланы мурдорун кючлерча эм мемориалны тёгерек-башын тапландырырча да мадар этилликди. Ол санда жаяу жолчукълагъа бла майданына бордюрла эм плитка саллыкъдыла. Машинала сюелген жерге да асфальт жайыллыкъды. Тийрени жашиллендирирча да мадар этилликди -  терекле, юлкюле эм  башха затла да орнатыллыкъдыла. Ахырында къоркъуусузлукъ жалчытылынырча да аслам эс буруллукъду, эсгертмени  тёгереги бла темир буруу тартыллыкъды эм видеокамерала да жарашдырыллыкъдыла. 

Эсге сала айтсакъ, сагъынылгъан программагъа кёре, Заюковода мемориал комплексге эм Кременчуг-Константиновскоеде да  къарындашланы къабырына  тынгылы ремонт этип бошагъандыла.
- Эсгертмелени  жангыртыу, бютюнда 910 бийикликде орналгъан мемориалча магъаналы объектлени игилендириу администрациясыны баш борчларындан бириди. Ала тарых жаны бла  магъаналы болгъанларындан  сора да, жаш адамланы патриот сезимлерин кючлерге, жашау къарамларын тюзетирге ахшы къошумчулукъ этедиле,- дейди Бахсан районну администрациясыны башчысы Адиб Абрегов.

  • 65 просмотров
Поделиться: