Къабарты-Малкъар Республиканы Башчысы К.В.Коковну Жаз башыны эмда Урунууну байрамы бла алгъышлауу

Къабарты-Малкъарны хурметли жамауаты! Сизни Жаз башыны эмда Урунууну байрамы бла жюрегимден къызыу алгъышлайма!

Бу байрам жаз башы жангырыуну келтиреди, ахшы умутлагъа кёллендиреди. Ол къыралыбызда эрттеден бери белгиленеди эмда аны  адет-тёрелери байдыла. Аланы мурдорун а  урунургъа учунуулукъ, хунерли адамланы бла коллективлени жетишимлерине хурмет этиу тутадыла.

Къабарты-Малкъарда жашагъанла жигерликлери, къыралгъа бла жамауатха хайырлы ишлеринде жетишимле болдура барыргъа итиниулери бла не заманда да айырмалы болгъандыла. Бюгюн биз  республиканы айныууна, экономиканы кючлеуге, социал бёлюмню игилендириуге юлюшлерин къошханлагъа махтау салабыз, аланы алларында баш урабыз. Фахмуларын, кюч-къарыуларын аямай бизни шёндюгю эмда келир заманларыбызны къурулушларыны мурдорун салгъан тамата тёлюбюзге хурметибиз а  бютюн уллуду.

Тёлюлени араларында байламлыкъланы юзмей, урунуу тёрелерине кертичи болуп, мамыр урунууда кючюбюзню бирикдирсек,  туугъан Къабарты-Малкъар эмда Ата журтубуз жашнар, къолайлы жашау этер ючюн салыннган борчланы бет жарыкълы толтурлугъубузгъа ишексизме.

Байрам бла алгъышлай, барыгъызгъа да кийик саулукъ, жетишимле, монглукъ тежейме! Бар игиликле да сизни болсунла!