Къонакъбайлыкъны тёрелерин къайтара

Шимал-Кавказ эмда Юг федерал округлада къонакъбайлыкъ эм гастрономия жаны бла орталыкъ профессионал билим бериуню биринчи арасы 2027 жылда Къабарты-Малкъар къырал аграр университетде ачыллыкъды. Аны юсюнден «Тасс Кавказ» информация арада ётген пресс-конференцияда КъМР-ни курортла эмда туризм жаны бла министри Аскер Бифов айтханды.

Былтыр биз Сибирьни федерал университети бла келишим этгенбиз. Алада болгъан сынауну юлгюге алыргъа деп, ала бла бирге ишлерге келишгенбиз. Бизде не франшиза (алада болгъан сынауну хайырланыргъа эркинлик) неда аланы филиалы боллукъду. 2027 жылда Къабарты-Малкъар аграр университетде орта профессионал билим бер
ген бёлюмню ачаргъа мурат этебиз. Ол бизге КъМР-де эм саулай Шимал Кавказда да къонакъбайлыкъ эм гастрономия жумушланы бийик даражагъа тамамларгъа онг берликди», – дегенди Аскер Бифов.

Бу арада битеу Шимал-Кавказ федерал округга къонакъ юйледе бла ресторанлада ишлерик кадрланы хазырларгъа белгиленеди.