Къабарты-Малкъар Республиканы Башчысы К.В. Коковну Жер-жерли самоуправленияны кюню бла алгъышлауу

Жер-жерли самоуправленияны органларыны хурметли ишчилери! Сизни профессионал байрамыгъыз бла алгъышлайма!

Бюгюнлюкде жер-жерли самоуправленияны органларыны боюнларына  кёп борчланы толтуруу жаны бла уллу жууаплылыкъ салынады. Сизни къыйматлы эмда къуралыулу ишлеуюгюзге кёре боллукъду инсанланы Президентибиз Владимир Владимирович Путинни башламчылыгъы бла жашауда бардырылып башланнган миллет проектлеге эмда тийрелени тапландырыу, ЖКХ-ны, социал эмда транспорт инфраструктураны игилендириу жаны бла регион программалагъа къошумчулукълары. 

Жамауатны жарсыуларын бла къууумларын сиз кимден да иги билесиз. Адамла кюн сайын чыгъа тургъан жарсыулары, жумушлары бла да бек алгъа сизни аллыгъызгъа келедиле, жашаулары иги жанына тюрленир деген умутларын сизни бла байламлы этедиле. Республиканы жер-жерли самоуправление органлары  боюнларына салыннган борчланы бет жарыкълы толтургъанларын  белгилерге тийишлиди.

Сау болугъуз ишигизге жууаплы кёзден къарагъаныгъыз, аны намыслы толтургъаныгъыз, адамла бла  ачыкъ эмда бир бирге ышаныулукъ халда сёлеширге итиннгенигиз ючюн.

Энчи аскер операциягъа къатышханлагъа бла аланы юйюрлерине болушлукъгъа деп бардыргъан огъурлу эмда жандауурлукъ ишигиз ючюн а энчи ыспас этерге сюеме.

Къабарты-Малкъаргъа, аны халкъына хайырлы ишигизни мындан ары да бет жарыкълы толтурлугъугъузгъа бир ишеклигим жокъду.

Барыгъызгъа да жетишимле тежейме, бар игиликле да сизни болсунла!